Senin, 17 Desember 2012
Minggu, 23 Oktober 2011
Markobun dohot Makkail
Doppak menek dope najolo leng nasai dohot ma au tu kobun dihuta. Hami tinggal di Jalan Merdeka Sidempuan usaho di Damang dohot Dainang marjagal bide, amak dohot harung di Balerong Kawat ima parningotanku sampai au tamat sian SD, dungi muse adong do kobun di huta di Sibangkua, ima kobun salak, hapea, hulim (kulit manis) dohot marsaba dope di huta Sibangkua bope di Sidempuan.
Hami sude sambilan saina rap marsikkolaima, adong na kuliah di Medan, Sidempuan songoni muse madung adong do namarripe. Taringot di boban di damang dohot dainang na pasikolahon hami sasudena, hami pe sude anakna margottima manolongi ayah dohot umak tu pasar marjagal, na tukobun mai salak, tusaba, manaktak di kobun sude do adong bagianna.
Anggo au najob sajo do rohakku anggo tu kobun, sonang do hulala dikobun harana nataboan do mangan di kobun sasahali mardahan ma dikobun, dibolgang sanga na dioppamkon ma silalat, ditutung ma ikan asin marsitutu ma namangan i. Ima saotik taringot di markobun. Lopus tu sadari on torus do adong lungun roha na markobun.
Molo mulak sikkola anggo inda dohot marjagal tupasar bope tukobun sanga tu saba, dohot dongan-dongan kehema hami makkail tu Aek Sibottar sanga tu Aek Rokkare. Taringot ni Makkail ayah pe na pakkail do jot-jot do dioban au makkail tu Batangtoru sanga pe tu Sampuran di Sisundung.
Madung leleng hutinggalhon huta nagiot manjalahi ngolu-ngolu, tai anggo Markobun dohot Makkail lopus di ari sadarion leng torus ma jadi hobby na pasonang roha. Tinggal ditopi-topi ni Jakarta, bagas parsilaungan pe namenek nasoppit, anggo leng lapang roha lapang do sude tanoon.
Langganan:
Postingan (Atom)